కలిసొచ్చే కాలానికి

కలిసొచ్చే కాలానికి


కలిసొచ్చే కాలానికి నడిచొచ్చే .... అని తెలుగు సామెత ఒకటి ఉంది ... ఇదేదో కొడుకు గురించో మనవడి గురించో చెప్పట్లేదు...ప్రస్తుతం రాజకీయాలు దాని ప్రాభవం పరిస్థుతుల పై ప్రభావం గురించి అంటున్న మాటలు...

అప్పట్లో అన్న ఎన్ టీ ఆర్ రాజకీయాలలోకి వచ్చినప్పుడు అభిమానులు , ఆంధ్రా ఆడపడుచులు అందరు హారతులు పట్టి స్వాగతం పలికారు..అధికారం అప్పచెప్పారు....' అన్న ' అన్నందుకు రెండురూపాయల కిలో బియ్యం, మద్యపాన నిషేధం వంటి పధకాలతో ' అన్న ' మాట నిలబెట్టుకున్నారు... తొమ్మిది నెలల్లోనే అప్రతిహత కాంగ్రెస్స్ పార్టీ ని తొమ్మిది నెలల్లోనే ఆ పొజిషను లోంచి అపోజిషనులోకి దించారు....
తరువాత జరిగిన రాజకీయ పరిణామాలు...కుటుంబ కలహాలు, అన్నీ అందరికీ తెలిసినవే.....

కాని ఇప్పుడు సీను రివర్సు...

అభిమానులు అందరూ అన్నయ్య రాజకీయాలలోకి రావాలి అని అంటున్నారు...ఆలోచించుకునే టైము కూడా ఇవ్వట్లేదు...తొమ్మిది నెలలు నిండితేనే కదా ప్రసవం అయ్యేది కానీ ఎనిమిదో నెలలోనే పార్టీ అంటున్నారు ...అదే ఆగుస్టులో అని జనం గుస గుసలాడుతున్నారు... స్వతంత్ర దినోత్సవం....వారం తేడాలోనే అన్నయ్య పుట్టిన రోజు పండగ ఉన్నాయి.... 15నాడు జాతీయ జెండా ఎగరేస్తాము... 22న పార్టీ జెండా ఎగరేస్తాము అని తొందర పడుతున్నారు....కళ్యాణమొచ్చినా కక్కొచ్చినా ఆగదు అన్నది పాత సామెత... అభిమానులకు ముద్దొచ్చినా మూడొచ్చినా ఆగరు...ఇది కొత్త సామెత....

వెల్కం అన్నయ్యా....