Latest Video :

ఫిట్టింగ్ మాస్టర్స్

ఫిట్టింగ్ మాస్టర్స్
ప్రపంచంలో చాలా మంది ఫిట్టింగ్ మాస్టర్స్ ఉన్నారు...

ఇప్పుడు రాజకీయాలు సినిమాలు స్పోర్ట్స్ వకటనేమిటి ఎందులో చూసినా ఫిట్టింగ్ మాస్టర్స్ ఉన్నారు ఉంటారు.. పాపం మనం నారదుణ్ణి ఫిట్టింగ్ మాస్టర్ అంటాం కానీ ఆయన లోక కళ్యాణానికే ఫిట్టింగులు పెడతాడు కానీ ఆయనకి వాటితో పనీ లేదు..లాభమూ లేదు..ఆయనకి కళ్యాణమూ..సంసారమూ లేవు కాబట్టి....లోక కళ్యాణమే ఆయన ధ్యేయం...

ఈ మధ్య క్రికెట్ చూడండి కంగారూలు చేసే కంగాళీ అంతా ఇంతా కాదు...ఆట గెలవడానికి దేనికీ వెనకాడరు..ఏదో ఒక విషయంలో ఫిట్టింగు పెడుతూనే ఉంటారు..ఆ మధ్య మురళీధరన్ బౌలింగు ఆడలేక యాక్షన్ వోడు అన్నారు..తరువాత మన హర్భజన్ కి ఫిట్టింగ్ పెట్టారు..ఈ మధ్య ఐ సీ సీ కూడా మహా టీం లో సచిన్ పేరు పెట్టకుండా ఫిట్టింగెట్టి అందరితో అక్షింతలు వేయించుకున్నారు...కుంటున్నారు...

ఐటీ రంగంలో...సత్యం రాజు పెట్టిన ఫిట్టింగు దెబ్బకి షేరులు కూలి....ఉద్యోగాలు ఊడి...అమెరికా లెవల్లో పరువు పోయి మొత్తం భారతం ఒక్క సారి ఉలిక్కిపడింది...

ఇక రాజకీయాల్లో ఫిట్టింగులకి కొదవే లేదు...రాష్ట్రం ఇస్తాం అనీ,,,,ఇవ్వం అనీ....ఇవ్వలేం అనీ,,జిల్లాలో ఒకళ్ళు...హైద్రాబాదులో ఒకళ్లు...డిల్లీలో ఒకళ్ళు ఫిట్టింగు పెడుతున్నారు...ఇక ఏ పార్టీలో ఎవరు జేరుతున్నారో ఎవరు ఏ పార్టీ వాళ్లు ఎవరితో ఎందుకు పొత్తులు పెట్టుకుంటారో అసలు ఆ ఫిట్టింగేమిటో ఎన్నికల దాకా ఒక్కోసారి ఆ తరువాత కూడా అర్ధం కాదు..అసలు తెలంగాణా గురించి తేల్చలేదని..బయటకొచ్చిన కే సీ ఆర్ ... ఇప్పుడు అదే పార్టీ తో కలిసి పనిచేస్తామండం ఏమి ఫిట్టింగో....నిన్నటిదాకా ఇస్తామన్న కాంగ్రెస్స్ ఇప్పుడు అసలు మాట ఎందుకు మారుస్తున్నారో తెలీదు....కే సీ ఆర్ ని దుమ్మెత్తి పోసిన తల్లి తెలంగాణా ఇప్పుడు ఎలా కలిసి పనిచేస్తారో...ఏమిటో ఈ రాజకీయపు ఫిట్టింగు....

ఇలా చెప్పుకుంటూ పోతుంటే నాది సుధీర్గ ఫిట్టింగు....

నారాయణ నారాయణ ఇందులో ఏమీ ఫిట్టింగు లేదు 'నారా'యణ అనుకుంటారేమో నిజంగా నారాయణ అంటే ఆ నారాయణుడే..

Share this article :
 
Support : Creating Website | Johny Template | Mas Template
Copyright © 2011. Daggara Darshini - All Rights Reserved
Template Created by Creating Website Published by Mas Template
Proudly powered by Blogger